QPL: «Oqjetpes» «Qyzyljardy» jeńip, tórtinshi orynǵa kóterildi
ASTANA. KAZINFORM — Fýtboldan Qazaqstan Premer-lıgasynyń keıinge qaldyrylǵan HHІІІ týrynda «Oqjetpes» (Kókshetaý) — «Qyzyljar» (Petropavl) kezdesýiniń nátıjesi belgili boldy.
Bıyl kókshetaýlyq komanda úzdik tórttikke iligýdi kózdeıdi. Sondyqtan olar árbir oıynda úsh upaı oljalaýǵa kúsh salyp keledi. Esesine petropavldyq klýb Premer-lıgadaǵy ornyn saqtap qalýǵa tyrysyp otyr.
Kezdesý barysynda komandalar tartysty oıyn ótkizdi. Soǵan qaramastan, birinshi kezeńde tablodaǵy esepke ózgeris engen joq.
Ekinshi kezeńde kókshetaýlyq klýb basymdyqty arttyra tústi. Osyndaı sátterdiń birinde olardyń qatarynan Vladıslav Vasılev 60-mınýtta óz múmkindigin múlt jibergen joq.
Osylaısha, «Oqjetpes» qarsylasynan 1:0 esebimen basym túsip, týrnır kestesinde 48 upaımen tórtinshi orynǵa taban tirep tur.
Dál qazir «Jetisý» (Taldyqorǵan) — «Qaısar» (Qyzylorda), «Tobyl» (Qostanaı) — «Jeńis» (Astana) kezdesýi ótip jatyr.
Al 19:00–de «Aqtóbe» — «Ordabasy» (Shymkent) jasyl alańǵa shyǵady. Sondaı-aq 18 qazanda 15:00–de «Altaı» (Óskemen) — «Atyraý», 16:00–de «Elimaı» (Semeı) — «Ulytaý» (Jezqazǵan), 18:00-de «Qaırat» (Almaty) — «Ertis» (Pavlodar), 19:00–de «Astana» — «Kaspıı» (Aqtaý) sheberlik baıqasady.
