QPL: «Oqjetpes» «Altaıdan» iri eseppen basym tústi
ASTANA. KAZINFORM - Fýtboldan Qazaqstan Premer-lıgasynyń HH týrynda kókshetaýlyq «Oqjetpes» óz alańynda óskemendik «Altaıdan» basym tústi.
Alǵashqy aınalymda úzdik úshtikten kórinip, jankúıerdi tańǵaldyrǵan kókshetaýlyq komanda sol nátıjesin qaıtalaýd kózdeıdi. Dese de qazir júldeli orynǵa talas kúsheıe tústi. Árıne, óskemendik komanda bıyl Premer-lıgadaǵy ornyn saqtap qalýǵa tyrysady.
Kezdesý barysynda kókshetaýlyq klýbtan Vladıslav Vasılev 45-mınýtta esep ashsa, odan keıin Oralhan Ómirtaev 59, 85, Vladımır Vomenko 76-mınýtta mergendik tanytty. Oǵan óskemendik komandadan Denıs Mıtrofanov 80-mınýtta bir golmen jaýap qaıyrdy.
Osylaısha «Oqjetpes» qarsylasynan 4:1 esebimen basym tústi.
Dál qazir «Ulytaý» (Jezqazǵan) - «Astana», «Jeńis» (Astana) - «Elimaı» (Semeı), «Ordabasy» (Shymkent) - «Tobyl» (Qostanaı) kezdesýi ótip jatyr.
Bul týrdy «Ordabasy» (Shymkent) - «Tobyl» (Qostanaı) túıindeıdi.
Aldyn ala 5 tamyzda ótkizilgen «Qaısar» (Qyzylorda) - «Qaırat» (Almaty) kezdesýinde ońtústik astanalyq komanda syrt alańda 2:1 esebimen jeńiske jetken edi.
Eske salsaq, bul týrda 1 tamyzda pavlodarlyq «Ertis» Aqtaýdyń «Kaspııinen» 3:2, petropavldyq «Qyzyljar» «Aqtóbeden» 3:1 esebimen basym tússe, «Atyraý» men «Jetisý» (Taldyqorǵan) 1:1 esebine qanaǵat bildirdi.
