QPL: «Oqjetpes» «Aqtóbeniń» sáttilik serııasyn toqtatty
Alǵashqy oıyn Kókshetaý qalasynda boldy. Jergilikti «Oqjetpes» óz alańynda «Aqtóbe» komandasyn qabyldady. «Aqtóbe» týrnır kestesinde kósh sońynda keledi. Soǵan qaramastan sońǵy bes týr boıy jeńiliske ushyraǵan joq. Eki márte jeńiske jetip, úsh márte teń tústi. Sol sáttilik serııasy búgin aıaqtaldy. Olar alań ıelerinen 0:4 esebimen jeńilip qaldy. «Oqjetpes» sapynan 8-mınýtta Artem Dmıtrıev 8 mınýtta esep ashty. Odan keıin 54 jáne 76-mınýttarda kókshetaýlyq shabýylshy Jasulan Moldaqaraev dýbl jasady. Oıyn núktesin 83-mınýtta «Oqjetpes» oıynshysy Darko Zorıch qoıdy.
Búgingi taǵy bir kezdesý Taldyqorǵanda boldy. Onda jergilikti «Jetisý» Qaraǵandynyń «Shahter» komandasymen sheberlik baıqasty. «Jetisýdyń» shabýylshysy Martın Toshev 21 jáne 26-mınýttarda qarsylastar qaqpasyn dál kózdedi. Oıyn sońyna deıin osy esep ózgergen joq. Kezdesýde «Jetisý» 2:1 esebimen jeńiske jetti.
Bul týrdaǵy taǵy bir oıyn aldyn ala 24 sáýirde «Qaırat» jáne «Atyraý» komandalary arasynda ótkizilip, ol oıynda almatylyqtar 2:0 esebimen jeńiske jetken edi. Al 20-týrdaǵy qalǵan oıyndar 28 sáýirde «Ordabasy» men «Ertis», «Tobyl» men «Qaısar», «Astana» men «Taraz» komandalary arasynda bolady.