QPL: Marın Tomasovtyń qos goly «Astanaǵa» jeńis alyp keldi
ASTANA. KAZINFORM - Fýtboldan Qazaqstan Premer-lıgasynyń HH týrynda taǵy eki oıynnyń nátıjesi belgili boldy.
Elordalyq «Astana» syrt alańda Jezqazǵannyń «Ulytaýyn» 2:0 esebimen jeńdi. Eki goldy elordalyq klýbtan Marın Tomasov 11, 91-mınýtta óziniń enshisine jazdy. Osylaısha ol birinshilikte soqqan golyn jeteýge jetkizip, surmergender kóshinde aldyńǵy oryndarǵa jaqyndaı tústi.
Al «Jeńis» (Astana) - «Elimaı» (Semeı) kezdesýinde 0:0 esebi tirkeldi.
Sondaı-aq buǵan deıin kókshetaýlyq «Oqjetpes» Óskemenniń «Altaıynan» 4:1 esebimen basym tústi.
Bul týrdy «Ordabasy» (Shymkent) - «Tobyl» (Qostanaı) kezdesýi túıindeıdi.
Aldyn ala 5 tamyzda ótkizilgen «Qaısar» (Qyzylorda) - «Qaırat» (Almaty) kezdesýinde ońtústik astanalyq komanda syrt alańda 2:1 esebimen jeńiske jetken edi.
Eske salsaq, bul týrda 1 tamyzda pavlodarlyq «Ertis» Aqtaýdyń «Kaspııinen» 3:2, petropavldyq «Qyzyljar» «Aqtóbeden» 3:1 esebimen basym tússe, «Atyraý» men «Jetisý» (Taldyqorǵan) 1:1 esebine qanaǵat bildirdi.
