QPL: Kósh sońyndaǵy «Kaspıı» «Astanany» jeńip ketti
NUR-SULTAN. QazAqparat - Búgin fýtboldan Premer-lıga komandalary arasyndaǵy Qazaqstan chempıonatynyń on ekinshi týrynda elordalyq «Astana» Aqtaýdyń «Kaspıı» komandasymen kezdesti, dep habarlaıdy QazAqparat tilshisi.
Atalǵan oıynda elordalyq klýb alǵashqy bolyp esep ashty. Oıynnyń 38-mınýtynda Rýnar Sıgýronsson esep ashqan edi. Ekinshi kezeńniń 75, 75-mınýttarda «Kaspıı» oıynshysy Bıllal Sebaıhı óz komandasyn alǵa shyǵardy.
Búgin jeńiske jetken jaǵdaıda «Astana» týrnır kestesindegi jaǵdaıyn jaqsartatyn edi. Qazir komanda 21 upaımen ekinshi orynda tur. Kósh basynda 25 upaımen «Qaırat» komandasy keledi.
«Kaspıı» buǵan deıin nebári bir jeńis, bir teń oıynnan keıin tórt upaı jınap, kósh sońynda kele jatqan bolatyn. Endi aqtaýlyq komanda jeti upaımen onynshy orynǵa kóterildi.
Sondaı-aq, búgin Almatynyń «Qaıraty» Qaraǵandynyń «Shahter» klýbymen sheberlik baıqasady. Oıyn elorda ýaqytymen 19.00-de bastalady.
Atalǵan týrda 2 qazanda «Qaısar» men «Oqjetpes», «Ordabasy» men «Taraz», «Tobyl» men «Jetisý» komandalary kezdesedi.
