QPL: «Qyzyljar» týrnır kestesinde segizinshi orynǵa kóterildi
ASTANA. KAZINFORM - Fýtboldan Qazaqstan Premer-lıgasynyń HH týryndaǵy «Qyzyljar» (Petropavl) - «Aqtóbe» kezdesýiniń nátıjesi belgili boldy.
Qazir aqtóbelik ujym úzdik úshtikke jaqyndap keledi. Sondyqtan árbir kezdesýdiń olar úshin mańyzy artyp turǵan edi. Esesine petropavldyq klýb ala-qula oıynymen jankúıer senimin aqtaı almaı júrdi. Alty týrdan keıin alǵash ret jeńiske jetken «Qyzyljar» bul joly sol sáttilik serııasyn jalǵastyrýǵa tyrysty.
Kezdesý barysynda petropavldyq klýbtan Evegnıı Makarenko 2-mınýtta esep ashsa, 38-mınýtta aqtóbelik klýbtan ıAnı Atanaasov tarazy basyn teńestirdi.
Ekinshi kezeńde «Qyzyljar» sapynan Eten Býgre 80-mınýttan penaltıden gol soqsa, 88-mınýtta Lırıdon Latıfı basymdyqty arttyrdy.
Osylaısha «Qyzyljar» qarsylasynan 3:1 esebimen basym túsip, týrnır kestesinde 22 upaımen segizinshi orynǵa kóterildi.
Aıta ketsek, pavlodarlyq «Ertis» Aqtaýdyń «Kaspııinen» 3:2 esebimen basym tústi.
Sondaı-aq búgin «Qyzyljar» (Petropavl) - «Aqtóbe», «Atyraý» - «Jetisý» (Taldyqorǵan) sheberlik baıqasady.
Al 2 tamyzda «Oqjetpes» (Kókshetaý) - «Altaı» (Óskemen), «Ulytaý» (Jezqazǵan) - «Astana», «Jeńis» (Astana) - «Elimaı» (Semeı), «Ordabasy» (Shymkent) - «Tobyl» (Qostanaı) jasyl alańǵa shyǵady.
Bul týrdaǵy aldyn ala 5 tamyrda ótkizilgen «Qaısar» (Qyzylorda) – «Qaırat» (Almaty) kezdesýinde ońtústik astanalyq komanda syrt alańda 2:1 esebimen jeńiske jetken edi.
