QPL: «Qaısar» «Tobyldy» jeńip, alǵashqy jeńisin toılady
ASTANA. KAZINFORM - Qazaqstan Premer-lıgasy onynshy týry máresine jetti.
Ekinshi oıyn kúni, 17 mamyrdaǵy kezekti kezdesýdiń birinde «Qaısar» (Qyzylorda) - «Tobyl» (Qostanaı) komandalary sheberlik baıqasty.
Matchtyń alǵashqy mınýtynda qyzylordalyq klýbtyń belsendiligi baıqaldy. Nátıjesinde olardyń qatarynan Aıbol Ábiken 2-mınýtta esep ashsa, 9-mınýtta óziniń ekinshi golynyń avtory atandy.
Oıynnyń 30-mınýtynda oǵan «Tobyl» sapynan Jaslan Jumashev bir golmen jaýap berdi.
Osylaısha «Qaısar» qarsylasynan 2:1 esebimen basym túsip, bıylǵy birinshiliktegi alǵashqy jeńisin toılady.
Sondaı-aq bul týrdy «Ordabasy» (Shymkent) - «Jetisý» (Taldyqorǵan) komandalary túıindedi.
Oıyn barysynda taldyqorǵandyq klýbtan Dinmuhamed Kashken 37-mınýtta esep ashsa, 72-mınýtta shymkenttik komandadan Sergeı Malyı óz múmkindigin múlt jibergen joq.
Oıynnyń 98-mınýtynda «Jetisý» qaqpasyna belgilengen penaltıdi «Ordabasy» sapynan Mýrodjon Halmatov sheber oryndaı bildi.
Bul oıynda shymkenttik klýb qarsylasynan 2:1 esebimen basym túsip, 22 upaımen ekinshi ornyn saqtap qaldy.
Búgin syrt alańda óskemendik «Altaı» Petropavldyń «Qyzyljaryn», almatylyq «Qaırat» elordalyq «Jeńisti» 2:1 esebimen tize búktirse, «Aqtóbe» men «Atyraý» 1:1 esebine qanaǵat bildirdi.
Eske salsaq, birinshi oıyn kúninde jezqazǵandyq «Ulytaý» Aqtaýdyń «Kaspııin», kókshetaýlyq «Oqjetpes» «Astanany» 1:0 esebimen jeńse, «Ertis» (Pavlodar) - «Elimaı» (Semeı) 2:2 esebimen teń tústi.
Endi HІ týr oıyndary 22 jáne 23 mamyr kúnderi ótkiziledi. Bul týrda 22 mamyrda «Altaı» men «Oqjetpes», «Kaspıı» men «Ertis». «Astana» men «Ulytaý» kezdesedi.
Al 23 mamyrda «Elimaı» men «Jeńis», «Aqtóbe» men «Qyzyljar», «Jetisý» men «Atyraý», «Qaırat» pen «Qaısar», «Tobyl» men «Ordabasy» jasyl alańǵa shyǵady.
