QPL: «Qaısar» segiz oıynnan keıin jeńiske jetti
ASTANA. KAZINFORM - Fýtboldan Qazaqstan Premer-lıgasynda HHVІ týrynda qyzylordalyq «Qaısar» óz alańynda «Atyraýdan» basym tústi.
Bıyl qyzylordalyq klýb óte sátsiz oıyn kórsetip keledi. Anglııa Premer-lıgasynda oınaǵan Vıktor Mozes sekildi tájirıbeli oıynshylardy qatarǵa qosqan olar bul oıynǵa deıin týrnır kestesinde sońǵy orynda qalyp qoıǵan edi.
Kezdesý barysynda eki komanda shabýylǵa ıek artty. Dese de birinshi kezeńde tablodaǵy esepke ózgeris engen joq.
Ekinshi kezeńde 83-mınýtta «Qaısar» sapynan Nıkola Tsýtskıch kózdegen nysanadan múlt ketken joq
Osylaısha qyzylordalyq klýb qarsylasynan 1:0 esebimen basym túsip, týrnır kestesinde 23 upaımen on ekinshi orynǵa kóterildi.
Sondaı-aq olar segiz oıyn boıy jeńiske jete almaı kelgen edi. Sol sátsizdik serııasyn toqtatty.
Oıyndar nátıjesi
12 qyrkúıek
«Kaspıı» (Aqtaý) - «Aqtóbe» 1:2
«Elimaı» (Semeı) - «Jetisý» (Taldyqorǵan) 2:1
«Ordabasy» (Shymkent) - «Astana» 1:0
«Jeńis» (Astana) - «Qyzyljar» (Petropavl) 3:1
«Qaısar» (Qyzylorda) - «Atyraý» 1:0
Endi 13 qyrkúıekte taǵy úsh oıyn ótkiziledi. Bul kúni almatylyq «Qaırat» óz alańynda Qostanaıdyń «Tobylyn» qabyldaıdy.
Oıyndar kestesi
13 qyrkúıek
«Ertis» (Pavlodar) - «Oqjetpes» (Kókshetaý)
«Ulytaý» (Jezqazǵan) - «Altaı» (Óskemen)
«Qaırat» (Almaty) - «Tobyl» (Qostanaı).
Bul týrdyń alǵashqy oıyn kúninen keıin «Ordabasy» 58 upaımen kósh basynda tursa, odan keıingi oryndardaǵy «Qaırattyń» 57, «Astananyń» 45 upaıy bar.
