QPL: «Qaısar» óz alańynda «Jeńisten» basym tústi

ASTANA. KAZINFORM -  Fýtboldan Qazaqstan Premer-lıgasynyń toǵyzynshy týrynyń alǵashqy oıyn kúnin «Qaısar» men «Jeńis» túıindedi.

Bıylǵy birinshilikte qos komanda sátsiz oıyn kórsetip keledi. Saldarynan týrnır kestesinde tómengi oryndardyń birin mise tutty. Qazir «Jeńis» 10-orynǵa jaıǵassa, «Qaısar» 11-orynda tur.

Sońǵy alty oıynda elordalyq klýb beseýinde qarsylastaryna ese jiberse, bireýinde jeńiske jetti.

Al qyzylordalyq ujym sońǵy tórt kezdesýinde birde-bir márte jeńilistiń aşy dámin tatqan joq. Bireýinde úsh upaı oljalasa, qalǵanynda teń nátıjege qanaǵat bildirdi.

Sondyqtan búgingi kezdesýde komandalar týrnır kestesindegi jaǵdaıyn jaqsartý úshin kúsh salatyny anyq edi. Alǵashqy mınýttan qarsylastar bir-biriniń qaqpasy mańynda shabýyl uıymdastyrdy.

Qyzylordalyq klýb sapynan Rýslan ıÝdenkov soqqan jalǵyz gol oıyn taǵdyryn sheshti.

Osylaısha «Qaısar» qarsylasynan 1:0 esebimen basym tústi.

Endi atalǵan týrda 19 mamyrda «Shahter» men «Tobyl», «Jetisý» men «Qyzyljar», «Elimaı» men «Qaırat» kezdesedi.