QPL: «Qaısar» men «Tobyl» jeńiske jetti
NUR-SULTAN. QazAqparat - Búgin fýtboldan Premer-lıga komandalary arasyndaǵy Qazaqstan birinshiliginiń 11-týryndaǵy tórt oıynynyń úsheýi aıaqtaldy, dep habarlaıdy QazAqparat tilshisi.
Kókshetaý qalasynda jergilikti «Oqjetpes» Qyzylordanyń «Qaısar» komandasyn qabyldady. Búgingi kezdesýde «Qaısar» esep ashty. Olardyń qatarynan Tıgran Barsegıan 10-mınýtta alań ıeleri qaqpasynan sańylaý tapty. Al 37-mınýtta «Oqjetpes» shabýylshysy Danılo Alves tarazy basyn teńestirdi. Qyzylordalyq jartylaı qorǵaýshy Djon Djoshýa 75-mınýtta óz komandasyn alǵa shyǵardy. Osylaısha «Qaısar» 2:1 esebimen jeńiske jetti. Bir qyzyǵy, «Qaısar» alǵashqy aınalymda syrt alańdaǵy kezdesýlerde birde-bip upaı joǵalqan joq.
Taldyqorǵanda «Jetisý» bıylǵy birinshilikti sátsiz ótkizip júrgen «Aqtóbe» komandasyn qabyldady.
Búgingi kezdesýde «Jetisý» alǵash bolyp esep ashty. Olardyń qatarynan 44-mınýtta Aıbar Jaqsylyqov óz komandasyn alǵa shyǵardy. Al 76-mınýtta aqtóbelik Abat Aıymbetov gol soqty. Oıyn 1:1 esebimen teń aıaqtaldy.
Qostanaıda «Tobyl» «Atyraý» komandasymen
kezdesti. Bul oıynda 44-mınýtta alań ıeleri qatarynan Maksım Fedın egol soqsa, ekinshi kezeńniń 53-mınýtta Artýras Jýlpa esepti ústemeleı tústi. Qostanaılyq jartylaı qorǵaýshy Rýslan Valıýllın qorytyndy esepti belgiledi. Esep 3:0. «Tobyl» jeńiske jetti.
Dál qazir Shymkentte jergilikti «Ordabasy» «Taraz» komandalary arasyndaǵy kezdesýdiń birinshi kezeńi aıaqtaldy. Ázirge «Ordabasy» 2:0 esebimen jeńiske jetip jatyr. Oıynnyń 7-mınýtynda Toqtar Jańǵylyshbaı esep ashty. Al 24-mınýtta Joao Paolo esepti ústemeleı tústi.
Al 11-týrdyń qalǵan eki oıyny erteń, 19 mamyrda ótkiziledi. Bul kúni «Astana» men «Shahter», «Qaırat» pen «Ertis» komandalary kezdesedi.
