QPL: «Qaısar» men «Qaırat» teń tústi
NUR-SULTAN. QazAqparat - Búgin fýtboldan Premer-lıga komandalary arasynda Qazaqstan chempıonatynyń 18-týrynda alǵashqy kezdesý ótti, dep habarlaıdy QazAqparat tilshisi.
Bul oıynda Qyzylordanyń «Qaısar» jáne Almatynyń «Qaırat» komandalary sheberlik baıqasty.
Esterińizge sala ketelik, «Qaırat» ótken týrda chempıondyq ataqqa qol jetkizdi . Al «Qaısar» sońǵy úsh týrda jeńilistiń aşy dámin tatyp keledi.
Búgingi kezdesýde eki komanda tartysty oıyn kórsetti. Oıynnyń 45-mınýtynda almatylyq Sergeı Keıler esep ashty. Odan keıin 64-mınýtta Konrad Vjeşınskıı esepti ústemeleı tústi.
«Qaısar» fýtbolshylary budan keıin gol soǵý múmkindigin izdedi. Nátıjesinde 70-mınýtta olardyń qatarynan shabýylshy Elgýdja Lobjanıdze mergendik tanytty. Al 88-mınýtta qyzylordalyq qorǵaýshy Ivan Graf tarazy basyn teńestirdi.
Oıynda komandalar 2:2 esebine qanaǵat bildirdi. «Qaırat» 45 upaımen birinshi orynda tursa, «Qaısar» 21 upaımen besinshi orynǵa kóterildi.
Endi 18-týrdyń qalǵan oıyndary 8 qarashada bolady. Bul kúni «Qyzyljar» men «Tobyl», «Taraz» ben «Shahter», «Oqjetpes» pen «Jetisý» komandalary kezdesedi.
Foto: fckairat.com
