QPL: «Qaısar» bıyl óz alańynda alǵash ret jeńildi

ASTANA. KAZINFORM — Qazaqstan Premer-lıgasynyń 16-týry aıasyndaǵy «Qaısar» men «Aqtóbe» arasyndaǵy kezdesý merziminen buryn ótti.

Bul sheshim aqtóbelik klýbtyń Eýropa lıgasynyń irikteý kezeńine qatysýyna baılanysty qabyldandy.

Kezdesý barysynda aqtóbelik klýb jyldam gol soǵýǵa tyrysty. Nátıjesinde 27-mınýtta olardyń qatarynan Jaıro Jan esep ashsa, 60-mınýtta qyzylordalyq komandadan Dıdar Jalmuqan tarazy basyn teńestirdi.

Oıynnyń 75-mınýtta «Aqtóbe» sapynan Lev Skvortsov qorytyndy esepti belgiledi.
Osylaısha aqtóbelik klýb qarsylasynan 2:1 esebimen basym túsip, týrnır kestesinde 22 upaımen ekinshi orynǵa kóterildi.

Aıta ketsek, «Qaısar» buǵan deıin óz alańynda ótken tórt kezdesýde jeńilistiń aşy dámin tatqan joq edi.

Aıta ketsek, 14 mamyrda fýtboldan Qazaqstan kýbogy jartylaı fınalyna joldama alǵan barlyq komanda anyqtaldy.

Endi jartylaı fınalda «Qyzyljar» men «Ordabasy», «Tobyl» men «Jeńis» oınaıdy.
Al shırek fınalda «Astana», «Qaırat», «Elimaı», «Turan» komandalary jarysty aıaqtady.