QPL: «Qaısar» bıyl alǵashqy jeńisine qol jetkizdi

ASTANA. KAZINFORM — Qyzylordalyq «Qaısar» fýtboldan Premer-lıga komandalary arasyndaǵy Qazaqstan chempıonaty 9-týrynda alǵashqy jeńisine qol jetkizdi.

Qyzylordalyq komanda jyl basynda qazaqstandyq fýtbolshylarǵa senim artatynyn bildirdi. Dese de qazirge deıin jeńistiń kiltin taba almaı keldi.

Búgin olar óz alańynda Túrkistannyń «Turan» komandasyn qabyldady. Kezdesý barysynda qos qarsylas tartysty oıyn ótkizdi. 

Birinshi kezeńde komandalar bir-biriniń qaqpasynan sańylaý taba alǵan joq. Ekinshi kezeńde «Turan» qaqpasyna belgilengen penaltıden Aıbar Jaqsylyqov múlt ketken joq.

Osylaısha «Qaısar» qarsylasynan 1:0 esebimen basym túsip, bıylǵy birinshiliktegi alǵashqy jeńisine qol jetkizdi.

Sondaı-aq «Jeńis» (Astana) pen «Qyzyljar» (Petropavl) 0:0 esebine qanaǵat bildirdi.

Dál qazir «Elimaı» (Semeı) men «Qaırat» (Almaty) kezdesýi ótip jatyr. Ázirge esep — 0:0.
Al «Tobyl» (Qostanaı) men «Ordabasy» (Shymkent) kezdesýi keıinge shegerildi.

Búgin elordalyq «Astana» syrt alańda jezqazǵandyq «Ulytaý» komandasyn 2:0 esebimen jeńdi.

Al 17 mamyrda kókshetaýlyq «Oqjetpes» óz alańynda «Aqtóbege» 1:3 esebimen ese jiberse, «Atyraý» men «Jetisý» (Taldyqorǵan) 1:1 esebine qanaǵat bildirdi.