QPL: «Qaırat» «Jeńisti» jeńip, kósh basyna shyqty
ASTANA. KAZINFORM - Búgin fýtboldan Qazaqstan Premer-lıgasy HHІ týryndaǵy keıinge qaldyrylǵan kezdesýinde almatylyq «Qaırat» óz alańyvnda Astananyń «Jeńisin» súrindirdi.
Kezdesý barysynda almatylyq klýb belsendi oıyn kórsetti. Qarsylas komanda qaqpasy mańynda jıi shabýyldap, jyldam gol soǵý múmkindigin izdedi. Aldymen olardyń qatarynan Edmılson 20-mınýtta esep ashty. Degenmen elordalyq komanda tarazy basyn teńestirýge umtyldy. Birinshi kezeń «Qaırattyń» basymdyǵymen aıaqtaldy.
Ekinshi kezeńde de alań ıeleriniń basymdyǵy baıqalyp turdy. Oıynnyń 63-mınýtynda Mark Gýal esepti ulǵaıtsa, odan keıin Lýısh Mata 86-mınýtta mergendigimen kózge tústi.
Osylaısha «Qaırat» qarsylasynan 3:0 esebimen basym túsip, týrnır kestesinde 57 upaımen birinshi orynǵa kóterildi. Olardyń basty qarsylasy - Shymkenttiń «Ordabasy» klýbynan eki upaıy artyq. Sondaı-aq eki komandanyń ótkizgen oıyndar sany teńesti.
Endi aldaǵy HHVІ týr oıyndary 12 jáne 13 qyrkúıek kúnderi ótkiziledi. Bul týrda 12 qyrkúıekte «Kaspıı» (Aqtaý) men «Aqtóbe», «Elimaı» (Semeı) men «Jetisý» (Taldyqorǵan), «Jeńis» (Astana) men «Qyzyljar» (Petropavl), «Ordabasy» (Shymkent) - «Astana», «Qaısar» (Qyzylorda) - «Atyraý» oınasa, 13 qyrkúıekte «Ertis» (Pavlodar) - «Oqjetpes» (Kókshetaý), «Ulytaý» (Hezqazǵan) - «Altaı» (Óskemen) kezdesedi.
Eske salsaq, budan buryn qazaqstandyq shabýylshy Dastan Sátpaev jaraqatynan aıyǵý úshin «Bernlıden» ýaqytsha «Chelsıge» oralady.
