QPL: «Qaırat» úsh týr boıy jeńiske jete almaı keledi
ASTANA. KAZINFORM — Búgin Qazaqstan Premer-lıgasynda HІІІ týrynyń alǵashqy oıyn kúni aıaqtaldy.
Bul kúni almatylyq «Qaırat» óz alańynda «Atyraýdy» qabyldaǵan edi. Kezdesý barysynda almatylyq klýb alǵashqy bolyp esep ashty. Aldymen olardyń qatarynan 13-mınýtta ıAakko Oksanen esep ashqan edi. Degenmen olar 69-mınýtta atyraýlyq klýb sapynan Aıbar Abdýlla soqqan golǵa tosqaýyl qoıa alǵan joq.
Osylaısha komandalar 1:1 esebine qanaǵat bildirdi.
Aıta ketsek, almatylyq klýb úsh týr boıy jeńistiń kiltin taba almaı keledi. Esesine atyraýlyq komanda toǵyzynshy márte upaı bólisip otyr.
Sondaı-aq qostanaılyq «Tobyl» Petropavldyń «Qyzyljaryn» 2:0 esebimen jeńse, «Jetisý» (Taldyqorǵan) men «Oqjetpes» (Kókshetaý) 2:2 esebine qanaǵat bildirdi.
Endi ekinshi oıyn kúni, 14 maýsymda qalǵan bes oıyn ótkiziledi.
14 maýsym
17:00. «Ulytaý» (Jezqazǵan) — «Jeńis» (Astana)
19:00. «Elimaı» (Semeı) — «Ordabasy» (Shymkent)
19:00. «Astana» — «Ertis» (Pavlodar)
20:00. «Aqtóbe» — «Altaı» (Óskemen)
20:00. «Kaspıı» (Aqtaý) — «Qaısar» (Qyzylorda).
Bul týrdaǵy alǵashqy oıyn kúninen keıin «Ordabasy» 28 upaımen kósh basynda tursa, odan keıingi oryndardaǵy «Qaırattyń» 27, «Oqjetpestiń» 24 upaıy bar.
