QPL: «Qaırat» «Turandy» iri eseppen jeńip, birinshi orynǵa kóterildi

ASTANA. KAZINFORM — Búgin fýtboldan Premer-lıga komandalary arasyndaǵy el birinshiliginiń 15-týrynda almatylyq «Qaırat» Túrkistannyń «Turanyn» iri eseppen jeńdi.

Almatylyq komanda óz alańynda ótken oıynda tizgindi óz qolynda ustaýǵa tyrysty. Negizinen jastarǵa kóńil bólip júrgen túrkistandyq klýb bul joly tájirıbeli qarsylasynyń yǵyna jyǵyldy.

Oıyn barysynda almatylyq klýbtan jaqynda qatarǵa qosylǵan Rıkardıno 30-mınýtta esep ashsa, ıÝg Stanoev 38-mınýtta basymdyqty arttyrdy. Odan keıin «Qaırattyń» jas fýtbolshysy Ramazan Baǵdat 75, 83-mınýtta gol soǵyp, qorytyndy esepti belgiledi.

Osylaısha almatylyq komanda qarsylasynan 4:0 esebimen basym túsip, týrnır kestesinde 36 upaımen birinshi orynǵa kóterildi.

Atalǵan týrdaǵy qalǵan oıyndar 5 jáne 6 shilde kúnderi ótkiziledi.

Endi 5 shildede 18:00–de «Jeńis» (Astana) pen «Ulytaý» (Jezqazǵan), «Qyzyljar» (Petropavl) men «Ordabasy» (Shymkent), 20:00–de «Aqtóbe» men «Atyraý», «Elimaı» (Semeı) men «Tobyl» (Qostanaı) oınaıdy.

Sondaı-aq 6 shildede 19:00–de «Jetisý» (Taldyqorǵan) men «Astana», 20:00–de «Oqjetpes» (Kókshetaý) men «Qaısar» (Qyzylorda) jasyl alańǵa shyǵady.

Aıta ketsek, qazir kósh basynda 34 upaımen «Astana» keledi. Odan keıingi oryndardaǵy «Qaırattyń» 33, «Aqtóbeniń» 29 upaıy bar.