QPL: «Qaırat» «Tobyldy» tize búktirdi

Bul týrdaǵy basty kezdesý Almaty qalasynda boldy. Bıyl chempıondyqtan úmitker Almatynyń «Qaıraty» men Qostanaıdyń «Tobyl» komandalary ózara tartysqa tústi. Oıyn tartysty ótti. «Qaırat» sapynan 74-mınýtta Georgıı Jýkov mergendik tanytty. Al 93-mınýtta almatylyq Artýr Shýshenachev qorytyndy esepti belgiledi. «Qaırat» qarsylasynan 2:0 esebimen basym tústi. Osylaısha almatylyq klýb chempıondyqqa talasta basty qarsylasy - elordalyq «Astanamen» básekeni qyzdyra tústi.

Qaraǵandy qalasynda jergilikti «Shahter» men Kókshetaýdyń «Oqjetpes» komandalary ózara sheberlik baıqasty. Eki komanda týrnır kestesinde qatarlas tur. Sondyqtan búgin jeńiske jetkeni jaǵdaıyn jaqsarta túsetin edi. Dese de eki komanda 2:2 esebine qanaǵat bildirip tarasty. Aldymen «Shahter» sapynan Artýr Faıfe Rejınaldo esep ashsa, 29-mınýtta «Oqjetpes» oıynshysy Artem Dmıtrıev tarazy basyn teńestirdi. Al 51-mınýtta «Oqjetpes» sapynan Tımýr Rýdoselskıı óz komandasyn alǵa shyǵardy. Al Artýr Faıfe Rejınaldo taǵy da mergendik tanytyp, qorytyndy esepti belgiledi.

Taǵy bir kezdesý Shymkentte jergilikti «Ordabasy» men Pavlodardyń «Ertis» komandalary arasynda ótkizildi. Bul kezdesýde alań ıeleri óte senimdi oınady. Qarsylastar qaqpasyna jaýapsyz eki gol soqty. Aldymen 78-mınýtta Sergeı Malyı bir goldyń avtory atansa, 84-mınýtta Maı Mahlangý qorytyndy esepti belgiledi. Nátıjesinde shymkenttik klýb qarsylasynan 2:0 esebimen basym tústi.

Bul týrdaǵy bir oıyn 25 qazan kúni bolyp ótken edi. Qyzylordada jergilikti «Qaısar» komandasy «Atyraýdan» jeńilip qaldy.

Atalmysh týrdaǵy qalǵan eki oıyn 27 qazan kúni ótkiziledi. Bul kúni «Astana» men «Aqtóbe», «Jetisý» men «Taraz» komandalary kezdesedi.

Al 30 qazanda 26 jáne 29-týrdaǵy keıinge qaldyrylǵan oıyndar ótkiziledi. Dál osy kúni 26-týrdaǵy «Oqjetpes» pen «Astana» kezdesse, 29-týrdaǵy «Qaısar» men «Tobyl», «Shahter» men «Atyraý» klýbtary sheberlik baıqasady.