QPL: «Qaırat» «Tobyldan» basym tústi
NUR-SULTAN. QazAqparat - Búgin fýtboldan Premer-lıga komandalary arasyndaǵy Qazaqstan chempıonaty tórtinshi týrynda eki oıyn ótkizildi, dep habarlaıdy QazAqparat tilshisi.
Aldymen Aqtaýdyń «Kaspıı» jáne Shymkenttiń «Ordabasy» komandalary jasyl alańǵa shyqty. Bul kezdesý taǵdyryn jalǵyz gol sheshti. Ony 44-mınýtta shymkenttik shabýylshy Joao Paýlo óziniń enshisine jazdy. Osylaısha, «Ordabasy» qarsylasyn 1:0 esebimen jeńdi. Shymkenttik komanda týrnır kestesinde alty oıynnan keıin 10 upaımen ekinshi orynǵa kóterildi.
Ekinshi kezdesý Almatynyń «Qaıraty» men Qostanaıdyń «Tobyly» arasynda ótti. Atalǵan oıynda da almatylyq ujym jaqsy oıyn órnegin kórsetti. «Qaırat» sapynan Neboısha Kosovıch 6, 48, Rade Dýgalıch 16 mınýttarda mergendik tanytty. Al 66-mınýtta Ǵafýrjan Súıimbaev óziniń qaqpasyna gol soǵyp aldy. Oıynda almatylyq klýb 3:1 esebimen basym tústi. Bul jeńisten keıin «Qaırat» 15 upaımen týrnır kestesinde kósh basynda tur.
Besinshi týrdaǵy qalǵan oıyndar 22 tamyzda ótedi. Bul kúni «Astana» men «Oqjetpes», «Qyzyljar» men «Shahter», «Qaısar» men «Jetisý» komandalary kezdesedi.
