QPL: «Qaırat» syrt alańda «Qyzyljardy» súrindirdi
ASTANA. KAZINFORM – Fýtboldan Qazaqstan Premer-lıgasy HІV týrynda ekinshi oıyn kúninde almatylyq «Qaırat» syrt alańda Petropavldyń «Qyzyljaryn» súrindirdi.
Oıyn barysynda almatylyq klýb qatarynan eki gol soǵyp, basymdyqty arttyra tústi. Olardyń qatarynan aldymen ıAakko Oksanen 9-mınýtta kózge tússe, 14-mınýtta Mark Gýal kózdegen nysanadan múlt etken joq.
Kelesi kezekte alań ıeleri sapynan Stefan Baoken 22-mınýtta esep aıyrmasyn qysqartsa, Eten Býgre 39-mınýtta penaltıden gol soqty.
Ekinshi kezeńde «Qaırat» Jorjıno 77-mınýtta penaltıdi múltiksiz oryndasa, 92-mınýtta Lýısh Mata qorytyndy esepti belgiledi.
Osylaısha almatylyq klýb qarsylasynan 4:2 esebimen basym túsip, týrnır kestesinde ekinshi orynǵa berik ornyqty.
Sondaı-aq búgin óz alańynda kókshetaýlyq «Oqjetpes» Qostanaıdyń «Tobylyn» 2:1 esebimen tize búktirdi.
Dál qazir «Elimaı» (Semeı) - «Atyraý», «Aqtóbe» - «Astana» kezdesýleri ótip jatyr.
Aıta ketsek, bul týrda 20 maýsymda tórt oıyn ótkizildi. Bul kúni «Altaı» (Óskemen) - «Jetisý» (Taldyqorǵan) 3:3, «Jeńis» (Astana) - «Ertis» (Pavlodar) 0:0, «Qaısar» (Qyzylorda) - «Ulytaý» (Jezqazǵan) 0:0 esebimen teń tússe, shymkenttik «Ordabasy» Aqtaýdyń «Kaspııinen» 2:0 esebimen basym tústi.
Eske salsaq, budan buryn «Ordabasy» qatarynan besinshi márte jeńiske jetti.
