QPL: «Qaırat» pen «Jetisý» teń oınady

ASTANA. KAZINFORM - Fýtboldan Qazaqstan Premer-lıgasynyń tórtinshi týrynyń alǵashqy oıyn kúni ótti.

Bul kúngi oıyndardy «Qaırat» (Qyzylorda) pen «Jetisý» (Taldyqorǵan) komandalary túıindedi.

Kezdesý barysynda qarsylastar tegeýrindi oıyn kórsetti. Birinshi kezeńniń ózinde esepti ózgertetin birneshe sát bolǵan edi. Degenmen fýtbolshylar bul múmkindikti múlt jiberip alyp jatty. Nátıjesinde oıynnyń birinshi kezeńinde tablodaǵy esepke ózgeris engen joq.

Ekinshi kezeńde de qos komanda tarapynan qaýipti shabýyldar uıymdastyryldy. Olardyń eshqaısysy da qaqpaǵa daryǵan joq.

Osylaısha komandalar 0:0 esebine qanaǵat bildirdi.

Qazirge deıin eki márte jeńiske jetip, ekeýinde teń oınaǵan «Qaırat» týrnır kestesinde kósh basyna shyqty.

Al «Jetisý» sońǵy eki kezdesýde tórt upaı oljalap, jaǵdaıyn jaqsarta tústi.

Aıta ketsek, búgin óz alańynda «Qyzyljar» «Jeńisten» 4:0, «Elimaı» «Qaısardan» 1:0 esebimen basym tústi.

Erteń, 7 sáýirde «Aqtóbe» men «Atyraý», «Shahter» men «Astana», «Turan» men «Ordabasy» oınaıdy.