QPL: «Qaırat» pen «Elimaı» teń tarqasty

ASTANA. KAZINFORM – Qazaqstan Premer-lıgasynyń VII týrynyń ekinshi oıyn kúninde almatylyq «Qaırat» óz alańynda Semeıdiń «Elimaı» komandasymen kezdesti.

Komandalar bıylǵy birinshilikti sátti bastady. Nátıjesinde olar týrnır kestesinde joǵary oryndarǵa jaıǵasty. Sondyqtan jankúıerler kókeıinde qaı komanda jeńiske jetedi dep saýal bolǵan edi.

Kezdesý barysynda aldymen semeılik komanda esep ashty. Olardyń qatarynan 12-mınýtta Fessý Plakka esep ashyp ketti. Al «Qaırat» sapynan 61-mınýtta Oıva ıÝkkola tarazy basyn teńestirse, 63-mınýtta Edmılson óz komandasyn alǵa shyǵardy. Oıynnyń 90-mınýtynda «Elimaı» sapynan Arsen Áshirbek gol soǵyp, qorytyndy esepti belgiledi. Osylaısha komandalar 2:2 esebine qanaǵat bildirdi.

Aıta ketsek, búgin óz alańynda qostanaılyq «Tobyl» Aqtaýdyń «Kaspııinen» 2:1 esebimen basym tústi, al Taldyqorǵannyń «Jetisýy» Jezqazǵannyń «Ulytaýynan» 2:1 esebimen jeńdi. 

Endi bul týrda búgin, 26 sáýirde 20:00-de «Astana» - «Atyraý» jasyl alańǵa shyǵady.
Sondaı-aq 25 sáýirde shymkenttik «Ordabasy» syrt alańda Petropavldyń «Qyzyljaryn» 2:1, «Aqtóbe» óz alańynda Pavlodardyń «Ertisin» 1:0 esebimen jeńdi.

Al «Oqjetpes» (Kókshetaý) - «Qaısar» (Qyzylorda) 1:1, «Altaı» (Óskemen) - «Jeńis» (Astana) 0:0 esebine qanaǵat bildirdi.