QPL: «Qaırat» óz alańynda «Ulytaýdan» basym tústi
ASTANA. KAZINFORM — Fýtboldan Qazaqstan Premer-lıgasynyń HHІІ týrynda eki oıynnyń nátıjesi belgili boldy.
Alǵashqy oıyn kúnindegi matchtyń birinde «Qaırat» (Almaty) — «Ulytaý» (Jezqazǵan) sheberlik baıqasty.
Almatylyq klýb óz alańyndaǵy bul kezdesýdi T. Segizbaev atyndaǵy akademııa stadıonynda qabyldaıdy. Qazirge deıin qatarynan alty márte jeńiske jetken olar sol sáttilik serııasyn jalǵastyrady. Budan burynǵy matchtarda alǵan sary qaǵazyna baılanysty Lýkas Enrıke Da Sılvany oıynǵa qosa almaıdy.
Kezdesý barysynda almatylyq klýbtan Edmılson 32-mınýtta esep ashsa, odan keıin Oıva ıÝkkola 53, Azamat Tuıaqbaev 74-mınýtta basymdyqty arttyrdy.
Oǵan 96-mınýtta «Ulytaý» sapynan Ilıa Chernıak bir golmen jaýap qaıyrdy.
Taǵy bir oıynda astanalyq «Jeńis» Taldyqorǵannyń «Jetisýynan» 4:1 esebimen basym tústi.
Dál qazir «Qaısar» (Qyzylorda) — «Aqtóbe», «Ordabasy» (Shymkent) — «Altaı» (Óskemen) kezdesýi ótip jatyr.
Erteń, 16 tamyzda taǵy tórt oıyn ótkiziledi. Aldymen 17:00–de «Ertis» (Pavlodar) — «Tobyl» (Qostanaı) kezdesse, odan keıin 18:00–de «Kaspıı» (Aqtaý) — «Elimaı» (Semeı), 19:00–de «Qyzyljar» (Petropavl) — «Astana», 20:00–de «Atyraý» (Petropavl) — «Oqjetpes» (Kókshetaý) jasyl alańǵa shyǵady.
Eske salsaq, budan buryn Qazaqstandyq fýtbolshy Dastan Sátpaev Anglııanyń kóne klýbtarynyń biri — «Bernlı» oıynshysy atandy.
