QPL: «Qaırat» óz alańynda «Oqjetpesti» iri eseppen jeńdi
ASTANA. KAZINFORM — Búgin Qazaqstan Premer-lıgasynda keıinge qaldyrylǵan HV týrda «Qaırat» (Almaty) — «Oqjetpes» (Kókshetaý) kezdesti.
Oıyn barysynda alǵashqy mınýttan almatylyq komanda belsendilik kórsetti. Qarsylas klýbtyń qaqpasy mańynda jıi boı kórsetip, jyldam gol soǵý múmkindigin qarastyrdy. Dese de alǵashqy otyz mınýtynda qaqpa qulpy ashylǵan joq.
Oıynnyń 30-mınýtynda almatylyq klýbtan ıspanııalyq shabýylshy Mark Gýal mergendigin tanytsa, 36-mınýtta taǵy bir márte kózge tústi.
Al olardyń qatarynan Jorjıno 42-mınýtta esepti ústemeleı tústi.
Ekinshi kezeńde kókshetaýlyq klýb belsendilikti arttyrdy. Degenmen dittegen maqsatyna jete alǵan joq. Esesine óz qaqpasyna taǵy eki gol jiberip aldy. Aldymen 79-mınýtta Edmılson gol soqsa, 90-mınýtta Azamat Tuıaqbaevtyń qanjyǵasy maılandy.
Osylaısha «Qaırat» qarsylasynan 5:0 esebimen basym túsip, týrnır kestesinde 18 oıynnan keıin 39 upaımen birinshi orynǵa kóterildi.
Olardan úsh oıyndy kem ótkizgen Shymkenttiń «Ordabasy» klýbynyń enshisinde 37 upaıy bar.
Endi 3, 4, 5 shilde Qazaqstan chempıonatynda HVІ týry ótedi.
Aıta ketsek, budan buryn Qazaqstan Premer-lıgasynda birinshi aınalym máresine jetti.
