QPL: «Qaırat» óz alańynda «Qaısarmen» teń tústi

ASTANA. KAZINFORM - Fýtboldan Premer-lıga komandalary arasyndaǵy el birinshiliginiń HVII týrynda taǵy eki oıynnyń nátıjesi belgili boldy. 

Ekinshi oıyn kúni, 19 shildede almatylyq «Qaırat» óz alańynda Qyzylordanyń «Qaısaryn» qabyldady.

Kezdesý barysynda almatylyq komanda negizinen jastarǵa senim artty. Negizgi quram oıynshylary qosalqy quramda qaldy. Soǵan qaramastan almatylyq komanda alǵashqy mınýttan shabýyl shebine kóńil bóldi. Nátıjesinde olardyń qatarynan 21-mınýtta Ramazan Baǵdat mergendigimen kózge tústi.

Ekinshi kezeńde qyzylordalyq klýb belsendilik kórsetti. Oıynnyń 53-mınýtynda Ramazan Baǵdat óziniń aıyp alańynda tártip buzyp, tóreshi oǵan qyzyl qaǵaz kórsetti. «Qaırat» qaqpasyna belgilengen penaltıden Marlen Aımanov múlt ketken joq. Osylaısha komandalar 1:1 esebine qanaǵat bildirdi.

Taǵy bir kezdesýde semeılik «Elimaı» óz alańynda astanalyq «Jeńiske» 1:2 eesbimen jol berdi. 

Dál qazir «Oqjetpes» (Kókshetaý) pen «Ulytaý» (Jezqazǵan) kezdesýi bastaldy.

Sondaı-aq 20 shildede 18:00-de «Qyzyljar» (Petropavl) men «Atyraý», 20:00-de «Aqtóbe» men «Tobyl» (Qostanaı), «Jetisý» (Taldyqorǵan) men «Ordabasy» (Shymkent) kim myqtyny anyqtaıdy. 

Al 18 shildede elordalyq «Astana» Túrkistannyń «Turanyn» 7:0 esebimen tize búktirdi.