QPL: «Qaırat» óz alańynda «Ertisten» iri eseppen basym tústi
ASTANA. KAZINFORM — Fýtboldan Qazaqstan Premer-lıgasynyń keıinge qaldyrylǵan HHІІІ týrynyń ekinshi oıyn kúni, 18 qazanda «Qaırat» (Almaty) — «Ertis» (Pavlodar) kezdesýiniń nátıjesi belgili boldy.
Almatylyq komanda bıyl bas júldege qol sozýdy aldyna maqsat etip otyr. Degenmen basty qarsylasy — Shymkenttiń «Ordabasy» klýbynan tórt upaıǵa artta qalyp keledi. Pavlodarlyq klýb aldynda Premer-lıgadaǵy ornyn saqtap qalý mindeti tur.
Alǵashqy mınýttan almatylyq ujymnyń basymdyǵy baıqalyp turdy. Nátıjesinde olardyń qatarynan Mark Gýal 15, 34, 74, Edmılson 16, Azamat Tuıaqbaev 83-mınýtta mergendigimen kózge tústi.
Osylaısha «Qaırat» qarsylasyn 5:0 esebimen qapy qaldyryp, bas júldege talasty odan ári jalǵastyrdy.
Aıta ketsek, budan buryn Semeıdiń «Elimaıy» jezqazǵandyq «Ulytaýdy» 2:1 esebimen jeńse, «Altaı» (Óskemen) — «Atyraý» 1:1 esebine qanaǵat bildirip tarasty.
Dál qazir «Qaırat» (Almaty) — «Ertis» (Pavlodar) kezdesýi ótip jatyr.
Al 19:00–de «Astana» — «Kaspıı» (Aqtaý) jasyl alańǵa shyǵady.
Sondaı-aq 17 qazanda óz alańynda «Aqtóbe» Shymkenttiń «Ordabasy» klýbyna 1:3 esebimen ese jiberse, qostanaılyq «Tobyl» Astananyń «Jeńisin» 4:2, kókshetaýlyq «Oqjetpes» Petropavldyń «Qyzyljaryn» 1:0, taldyqorǵandyq «Jetisý» Qyzylordanyń «Qaısaryn» 2:1 esebimen jeńdi.
