QPL: «Qaırat» óz alańynda «Elimaıdan» jeńilip qaldy

ASTANA. KAZINFORM - Fýtboldan Premer-lıga komandalary arasyndaǵy el birinshiliginiń HHІ týryndaǵy alǵashqy eki oıynnyń nátıjesi belgili boldy.

Chempıondar lıgasynda synǵa túsip jatqan almatylyq «Qaırat» óz alańynda Semeıdiń «Elimaı» klýbyn qabyldaǵan edi. Kezdesý alań ıeleri úshin sátti bastaldy. Oıynnyń 15, 37-mınýtynda almatylyq klýb sapynan Edmılson mergendik tanytty. Odan keıin «Elimaı» sapynan Ivan Svırıdov esep aıyrmasyn qysqartty.

Al ekinshi kezeńde semeılik klýbtan Fessý Plakka 72, 83-mınýtta qos gol soǵyp, óz komandasyna jeńis syılady.

Osylaısha «Qaırat» qarsylasyna 2:3 esebimen jol berdi.

Sondaı-aq «Qyzyljar» (Petropavl) men «Jeńis» (Astana) kezdesýinde 1:1 esebi tirkeldi.
Dál qazir «Turan» (Túrkistan) men «Qaısar» (Qyzylorda) oıyny bastaldy.

Sondaı-aq 17 tamyzda 20:00-de «Ordabasy» (Shymkent) men «Tobyl» (Qostanaı), «Jetisý» (Taldyqorǵan) men «Atyraý», «Aqtóbe» men «Oqjetpes» (Kókshetaý), «Astana» men «Ulytaý» (Jezqazǵan) oınaıdy.

Surmergender kóshinde Dáýren Jumat («Oqjetpes») 10 golmen jeke-dara kósh bastap tur. Nazmı Grıpshı («Astana») 9 golmen ekinshi orynda, odan keıingi oryndardaǵy Dastan Sátpaev («Qaırat») pen Marın Tomasov («Astana») 8 gol soǵyp úlgergen.