QPL: «Qaırat» óz alańynda «Aqtóbeden» basym tústi

ASTANA. KAZINFORM — Fýtboldan Qazaqstan Premer-lıgasy ekinshi týrynyń alǵashqy oıyn kúni ótti.

Bul týrda jankúıerler arasynda «Qaırat» (Almaty) pen «Aqtóbe» kezdesýine erekshe qyzyǵýshylyq bolǵany ras. Oıyn barysynda almatylyq klýbtan 76-mınýtta Dastan Sátpaev soqqan jalǵyz gol oıyn taǵdyryn sheshti.

Eki týrdan keıin upaıdan shashaý shyǵarmaǵan almatylyq klýb alty upaımen kósh basyna shyqty. 

Oıyn nátıjeleri

«Ulytaý» — «Qyzyljar» 1:0
«Ertis» — «Atyraý» 1:1
«Elimaı» — «Altaı» 1:1
«Tobyl» — «Jetisý» 2:2
«Qaısar» — «Astana» 0:0
«Jeńis» — «Ordabasy» 0:2

Endi 17 naýryzda saǵat 17:00–de «Kaspıı» — «Oqjetpes» komandalary kezdesedi.

Bıyl el birinshiliginde barlyǵy 16 komanda júldeni sarapqa salady. Olardyń qatarynda «Aqtóbe», «Altaı» (Óskemen), «Astana», «Atyraý», «Elimaı» (Semeı), «Ertis» (Pavlodar), «Jeńis» (Astana), «Jetisý» (Taldyqorǵan), «Kaspıı» (Aqtaý), «Qaırat» (Almaty), «Qaısar» (Qyzylorda), «Qyzyljar» (Petropavl), «Tobyl» (Qostanaı), «Ulytaý» (Jezqazǵan), «Oqjetpes» (Kókshetaý), «Ordabasy» (Shymkent) bar.