QPL: «Qaırat» «Ordabasydan» basym túsip, birinshi orynǵa kóterildi
ASTANA. KAZINFORM — Fýtboldan Qazaqstan Premer-lıgasy HІH týrynda almatylyq «Qaırat» óz alańynda shymkenttik «Ordabasy» komandasyn qapy qaldyrdy.
Bıyl bas júldeden basy úmitker qos komanda Almatyda bas qosty. Alǵashqy aınalymda Shymkentte ótken kezdesýde «Ordabasy» qarsylasyn qapy qaldyrǵan edi. Match barysynda qarsylastar jeńiske jetýge bar kúshin saldy.
Oıynnyń 14-mınýtynda almatylyq klýbtan Mark Gýal gol soqsa, 87-mınýtta Oıva ıÝkkola basymdyqty arttyrdy.
Oǵan 92-mınýtta «Ordabasy» shabýylshysy Bern Ionsen bir golmen jaýap qaıyrdy.
Osylaısha «Qaırat» basty qarsylasynan 2:1 esebimen basym túsip, týrnır kestesinde birinshi orynǵa kóterildi.
Aıta ketsek, búgin elordalyq «Astana» Óskemenniń «Altaıyn» 4:1 esebimen tize búktirse, qostanaılyq «Tobyl» óz alańynda «Atyraýdy» 1:0 esebimen jeńdi.
Taǵy bir kezdesýde «Elimaı» (Semeı) — «Qaısar» (Qyzylorda) 1:1 esebine qanaǵat bildirdi.
Aıta ketsek, bul týrda 25 shildede jezqazǵandyq «Ulytaý» óz alańynda Pavlodardyń «Ertisine», taldyqorǵandyq «Jetisý» Petropavldyń «Qyzyljaryna» 1:2 esebimen ese jiberse, dál sondaı eseppen «Aqtóbe» óz alańynda Kókshetaýdyń «Oqjetpesin» qapy qaldyrdy.
Bul týrdy «Kaspıı» (Aqtaý) -«Jeńis» (Astana) kezdesýi túıindeıdi.
