QPL: «Qaırat» komandasy «Jetisýmen» upaı bólisti
ASTANA. KAZINFORM – Qazaqstan Premer-lıgasynyń úshinshi týrynda almatylyq «Qaırat» Taldyqorǵannyń «Jetisý» komandasymen teń tústi.
Kezdesý barysynda qos komanda esep ashyp, basymdyǵyn arttyryp, upaı alýdy kózdedi. Ásirese almatylyq komandanyń gol soǵatyn múmkindigi kóp boldy. Degenmen eki klýbtyń fýtbolshylary da dittegen maqsatyna jete alǵan joq. Taldyqorǵandyq aıaqdopshylardyń qarymta shabýyly óz nátıjesin bere qoımady. Osylaısha komandalar 0:0 esebine qanaǵat bildirdi.
Endi tórtinshi týrda syrt alańda «Qaırat» 4 sáýirde almatylyq «Qaıratpen» oınasa, «Jetisý» aqtaýlyq «Kasppıımen» sheberlik baıqasady.
Úshinshi týrda kókshetaýlyq «Oqjetpes» Jezqazǵannyń «Ulytaýyn» 2:1, elordalyq «Astana» Qostanaıdyń «Tobylyn» 2:0 esebimen jeńse, shymkenttik «Ordabasy» da qyzylordalyq «Qaısardy» dál osy eseppen qapy qaldyrdy. Al «Atyraý» men «Jeńis» (Astana) 0:0, «Qyzyljar» (Petropavl) men «Ertis» (Pavlodar) 2:2 esebimen teń oınady.
Dál qazir «Aqtóbe» men «Elimaı» (Semeı) kezdesýi ótip jatyr.
