QPL: «Qaırat» qatarynan segizinshi márte jeńiske jetti
ASTANA. KAZINFORM - Búgin fýtboldan Qazaqstan Premer-lıgasynyń HHІV týry máresine jetti.
Bul týrdy «Elimaı» (Semeı) - «Qaırat» (Almaty) komandalary túıindedi.
Bıylǵy birinshilikte almatylyq klýb bas júldege talasýdy jalǵastyryp keledi. Sondyqtan árbir kezdesýde úsh upaıdan shashaý shyǵarmaýǵa kúsh salyp júr. Sol sáttilik serııasyn Semeıde de jalǵastyrýǵa tyrysty.
Kezdesý barysynda almatylyq klýbtan Marký Gýal 32-mınýtta esep ashsa, Lýısh Mata 35-mınýtta esepti ústemeleı tústi.
Ekinshi kezeńde komandalar esepti ózgertýge tyrysty. Soǵan qaramastan bir-biriniń qaqpasynan sańylaý taba alǵan joq.
Osylaısha almatylyq klýb qarsylasynan 2:0 esebimen basym túsip, 51 upaımen ekinshi orynǵa taban tiredi. Qatarynan segiz márte jeńiske jetken olar birinshi orynda kele jatqan Shymkenttiń «Ordabasy» klýbynan 4 upaıdy az jınap tur. Sondaı-aq basty qarsylasynan bir kezdesýdi az ótkizdi.
Oıyndar nátıjesi
HHІV týr
29 tamyz
«Ulytaý» (Jezqazǵan) - «Jetisý» (Taldyqorǵan) 3:0
«Jeńis» (Astana) - «Altaı» (Óskemen) 1:0
«Ordabasy» (Shymkent) - «Qyzyljar» (Petropavl) 3:0
«Qaısar» (Qyzylorda) - «Oqjetpes» (Kókshetaý) 2:3
30 tamyz
«Ertis» (Pavlodar) - «Aqtóbe» 2:1
«Kaspıı» (Aqtaý) - «Tobyl» (Qostanaı) 1:0
«Atyraý» - «Astana» 2:3
31 tamyz
«Elimaı» (Semeı) - «Qaırat» (Almaty) 0:2.
Endi aldaǵy týr oıyndary 5 jáne 6 qyrkúıek kúnderi ótkiziledi.
Aıa ketsek, budan buryn «Astana» syrt alańda «Atyraý» komandasynan 3:2 esebimen basym tústi.
