QPL: «Qaırat» ekinshi oıyn qatarynan jeńiske jetti

ASTANA. KAZINFORM — Almatylyq «Qaırat» fýtboldan Premer-lıga komandalary arasyndaǵy Qazaqstan chempıonatynda ekinshi oıyn qatarynan jeńiske jetti.

Almatylyq klýb úshinshi týrda syrt alańda túrkistandyq «Turan» komandasymen kezdesti. Bıyl bas júldege qol sozýdy qalaıtyn «Qaırat» bul oıynda tájirıbeli fýtbolshylarǵa senim artty.

Oıyn barysynda olardyń qatarynan Georgı Zarıa 33-mınýtta esep ashsa, túrkistandyq klýbtan Igor Stasevıch 54-mınýtta tarazy basyn teńestirdi.

Al 75-mınýtta almatylyq klýbtan Jorjıno jeńis golyp soǵyp ketti.

Osylaısha «Qaırat» qarsylasynan 2:1 esebimen basym túsip, kósh basyndaǵy ornyn saqtap qaldy.

Atalǵan týrdaǵy taǵy bir kezdesýde «Qaısar» (Qyzylorda) men «Oqjetpes» (Kókshetaý) 2:2 esebine qanaǵat bildirdi.

Endi 30 naýryzda «Atyraý» men «Aqtóbe», «Astana» men «Jetisý» (Taldyqorǵan), «Ulytaý» (Jezqazǵan) men «Jeńis» (Astana) komandalary sheberlik baıqasady.

Sonlaı-aq «Ordabasy» (Shymkent) men «Qyzyljar» (Petropavl), «Tobyl» (Qostanaı) men «Elimaı» (Semeı) jasyl alańǵa shyǵady.