QPL: «Qaırat» ekinshi ret teń oınady
NUR-SULTAN. QazAqparat - Búgin fýtboldan Premer-lıga komandalary arasyndaǵy Qazaqstan chempıonatynyń on ekinshi týrynda almatylyq «Qaırat» Qaraǵandynyń «Shahter» komandasymen kezdesti, dep habarlaıdy QazAqparat tilshisi.
«Qaırat» týrnır kestesinde birinshi orynda tur. Enshisinde 25 upaı bar. Búgin jeńgen jaǵdaıda upaı qoryn molaıtyp, jaǵdaıyn jaqsarta túsetin edi. Elordalyq «Astana» búgin Aqtaýdyń «Kaspııinen» 1:2 esebimen jeńilip qalǵan edi. Sondyqtan almatylyq klýb úsh upaı enshilese, olardan jeti upaıǵa uzap ketetin.
Kezdesý barysynda qaraǵandylyq ujym olarǵa laıyqty qarsylyq kórsetti. Birinshi kezeńde esep ashylǵan joq.
Ekinshi kezeńniń 64-mınýtynda almatylyq shabýylshy Vagner Lav esep ashty. Oǵan 82-mınýtta «Shahter» shabýylshysy Aıdos Táttibaev bir golmen jaýap berdi. Oıyn 1:1 esebimen teń aıaqtaldy. Osylaısha «Qaırat» ekinshi oıyn qatarynan teń nátıjege qanaǵat bildirdi. Esterińizge sala ketelik, ótkende almatylyq klýb Kókshetaýdyń «Oqjetpesimen» 3:3 esebimen teń túsken bolatyn.
Endi atalǵan týrda 2 qazanda «Qaısar» men «Oqjetpes», «Ordabasy» men «Taraz», «Tobyl» men «Jetisý» komandalary kezdesedi.
