QPL: «Qaırat» bas júldege talasty jalǵastyrady
ASTANA. KAZINFORM - Búgin fýtboldan Qazaqstan Premer-lıgasy HHVІ týryndaǵy almatylyq «Qaırat» óz alańynda Taldyqorǵannyń «Jetisýynan» basym tústi.
Almatylyq komanda bıyl bas júldege qol sozýdy aldyna maqsat etip otyr. Qazir týrnır kestesinde basty qarsylasy - Shymkenttiń «Ordabasy» komandasynan tórt upaı qalyp tur.
Sondyqtan olar árbir kezdesýde úsh upaıdan shashaý shyǵarmaýǵa tyrysyp keledi.
Kezdesý barysynda komandalar tartysty oıyn ótkizdi. Birinshi kezeńde tablodaǵy esep ózgergen joq. Almatylyq klýb sapynan Marký Gýal 87-mınýtta soqqan gol oıyn taǵdyryn sheshti.
Osylaısha «Qaırat» qarsylasynan 1:0 esebimen basym túsip, bas júldege talasty jalǵastyra tústi.
Sondaı-aq «Elimaı» (Semeı) óz alańynda «Aqtóbege» 1:3, Pavlodardyń «Ertisi» Petropavldyń «Qyzyljaryna» 0:2 esebimen ese jiberse, Qostanaıdyń «Tobyly» elordalyq «Astanany» 2::1 esebimen qapy qaldyrdy.
Alǵashqy oıyn kúnin «Jeńis» (Astana) - «Atyraý» kezdesýi túıindeıdi.
Al 11 qazan 15:00-de «Ulytaý» (Jezqazǵan) - «Oqjetpes» (Kókshetaý), 16:00-de «Kaspıı» (Aqtaý) - «Altaı» (Óskemen), 19:00-de «Qaısar» (Qyzylorda) - «Ordabasy» (Shymkent) oınaıdy.
Fýtboldan Qazaqstan chempıonatynyń sońǵy týry 31 qazan kúni ótkiziledi.
