QPL: «Qaırat» Almatyda «Tobyldan» basym tústi

ASTANA. KAZINFORM - Almatylyq «Qaırat» fýtboldan Premer-lıga komandalary arasyndaǵy Qazaqstan chempıonatynda qatarynan ekinshi márte jeńiske jetti.

Almatylyq klýb búgin óz alańynda qostanaılyq «Tobyldy» qabyldady.

Eki komanda bıylǵy birinshilikti sátti bastady. Týrnır kestesinde joǵary oryndarda turǵan komandalar kezdesý jankúıerler tarapynan qyzyǵýshylyq týǵyzdy.

Birinshi kezeńde almatylyq klýbtyń basymdyǵy baıqalyp turdy. Qarsylastar qaqpasy mańynan jıi tabylyp, gol soǵý múmkindigin izdedi. Osyndaı sáttiń birinde «Qaırat» sapynan Valerıı Gromyko kózdegen nysanadan múlt ketken joq. Oıynnyń 4-mınýtynda onyń alystan tepken doby qaqpa torynda týlap jatty.

Ekinshi kezeńniń 60-mınýtynda almatylyq klýbtan Dastan Sátpaevtyń bergen pasyn áriptesi Jorjıno golǵa aınaldyrdy.

Endigi kezekte «Tobyl» alǵa qaraı umtyldy. Nátıjesinde 79-mınýtta «Tobyl» sapynan Aleksandr Zýev esep aıyrmasyn qysqartty.

Atalǵan jeńisten keıin «Qaırat» on jeti upaı jınap, ókshelep kele jatqan qarsylastarynan uzap ketti.

Atalǵan týrdaǵy ózge oıyn nátıjeleri tómendegishe:

«Ordabasy» (Shymkent) - «Turan» (Túrkistan) 1:0

«Qyzyljar» (Pettropavl) - «Qaısar» (Qyzylorda) 2:1 esebimen tize búktirdi.

26 sáýir

«Astana» - «Atyraý» 2:1

«Aqtóbe» - «Ulytaý» (Jezqazǵan) 1:0

«Jetisý» (Taldyqorǵan) - «Elimaı» (Semeı) 0:3, «Oqjetpes» (Kókshetaý) - «Jeńis» (Astana) 1:1.

Endi aldaǵy týr oıyndary 3 jáne 4 mamyr kúnderi ótkiziledi.