QPL: «Kaspıı» - «Ulytaý» jeńimpazdy anyqtaı almady
ASTANA. KAZINFORM - Fýtboldan Qazaqstan Premer-lıgasyn HHІ týrynyń alǵashqy oıyn kúni máresine jetti.
Bul kúngi oıyndardy «Kaspıı» (Aqtaý) - «Ulytaý» (Jezqazǵan) kezdesýi túıindedi.
Match barysynda eki komandanyń da jeńiske jetý múmkindigi zor boldy. Qarsylastar jıi shabýyl uıymdastyryp, gol soǵatyn múmkindikti izdedi. Nátıjesinde aqtaýlyq klýbtan Keba Sılla 45-mınýtta esep ashsa, 71-mınýtta jezqazǵandyq komandadan Baqdáýlet Zýlfıkarov mergendik tanytty.
Osylaısha komandalar 1:1 esebine qanaǵat bildirdi.
Bul týrdaǵy eki kezdesý keıinge qaldyryldy. Al qalǵan oıyndar 8 jáne 9 tamyz kúnderine belgilengen. Aldymen 8 tamyzda úsh kezdesý ótkizilse, 9 tamyzǵa úsh oıyn josparlanǵan.
Aıta ketsek, buǵan deıin «Altaı» (Óskemen) - «Qyzyljar» (Petropavl) 2:2 esebimen teń tússe, taldyqorǵandyq «Altaı» Shymkenttiń «Ordabasy» klýbyna 0:4 esebimen ese jiberdi.
Erteń, 9 tamyzda 18:00-de «Astana» - «Oqjetpes» (Kókshetaý),19:00-de «Elimaı» (Semeı) - «Ertis» (Pavlodar), 20:00-de «Atyraý» - «Aqtóbe» jasyl alańǵa shyǵady.
