QPL: «Kaspıı» týrnır kestesinde 10-orynǵa kóterildi
ASTANA. KAZINFORM — Búgin fýtboldan Qazaqstan Premer-lıgasynyń HHІV týrynda aqtaýlyq «Kaspıı» óz alańynda Qostanaıdyń «Tobylynan» basym tústi.
Aqtaýlyq komanda jaqynda jańa bas bapkerdi qyzmetke taǵaıyndady. Qazaqstandyq Erlan Shoıtymovtyń ornyna taǵy bir otandasymyz Rýslan Esatov keldi. Soǵan qaramastan olar jeńisti jolyn jalǵastyrdy.
Kezdesý taǵdyryn sheshken jalǵyz goldy 70-mınýtta «Kaspıı» sapynan Noa Ndombalı óziniń enshisine jazdy. Nátıjesinde olar birinshiliktegi jetinshi jeńisine jetip, týrnır kestesinde 26 upaımen onynshy orynǵa kóterildi.
Aıta ketsek, búgin Pavlodardyń «Ertisi» óz alańynda «Aqtóbeni» qabyldasa, odan keıin «Atyraý» — «Astana» jasyl alańǵa shyǵady.
Bul týrdy 31 tamyzda «Elimaı» (Semeı) — «Qaırat» (Almaty) komandalary túıindeıdi.
Aıta keteıik, 29 tamyzda bul týrdyń tórt oıyny ótti. «Ulytaý» (Jezqazǵan) óz alańynda «Jetisý» (Taldyqorǵan) komandasyn 3:0 esebimen jeńse, elordalyq «Jeńis» (Astana) komandasy «Altaıdan» (Óskemen) mınımaldy eseppen (1:0) basym tústi. Al qyzylordalyq «Qaısar» komandasy «Oqjetpeske» (Kókshetaý) 2:3 esebimen ese jiberdi. Chempıondyqqa negizgi úmitkerlerdiń biri shymkenttik «Ordabasy» Qajymuqan Muńaıtpasov atyndaǵy stadıonda, jergilikti jankúıerleriniń aldynda «Qyzyljar» qaqpasyna jaýapsyz 3 gol soqty.
Eske salsaq, Dastan Sátpaev «Bernlı» sapyndaǵy alǵashqy tolyq matchyn ótkizdi.
