QPL: «Kaspıı» qatarynan ekinshi jeńisine qol jetkizdi
ASTANA. KAZINFORM – Fýtboldan Qazaqstan Premer-lıgasynyń ІH týryndaǵy úsh oıynnyń nátıjesi belgili boldy.
9 mamyrǵa belgilengen kezdesýdiń birinde «Elimaı» (Semeı) men «Kaspıı» (Aqtaý) kim myqtyny anyqtady.
Ótken týrda semeılik klýb syrt alańda jezqazǵandyq «Ulytaýǵa» 0:1 esebimen ese jiberse, aqtaýlyq komanda dál sondaı eseppen elordalyq «Astanany» tize búktirgen edi.
Búgingi oıyn barysynda komandalar alǵashqy kezeńde bir-biriniń qaqpasynan sańylaý taba alǵan joq. Ekinshi kezeńde «Kaspıı» sapynan Noha Ndombası 78-mınýtta óz múmkindigin múlt jibergen joq. Bul gol aqtaýlyq klýbqa úsh upaı syılady. Osylaısha aqtaýlyq klýb qatarynan ekinshi jeńisine qol jetkizdi. Nátıjesinde olar 7 upaımen 12 orynǵa kóterildi.
Bul týrdaǵy taǵy bir oıynda «Jetisý» (Taldyqorǵan) men «Jeńis» (Astana) kezdesti. Birinshi kezeńde elordalyq komanda sapynan Adılıo 7, Lýka Imnadze 19-mınýtta gol soqty. Al qarsylastar sapynan Nurbol Ánýarbekov 16 mınýtta kózge tússe, Serikjan Mýjıkov 28-mınýtta tarazy basyn teńestirdi. Oıynnyń 73-mınýtynda taldyqorǵandyq qaqpashy Danıl Podymskıı óz qaqpasyna gol soǵyp aldy. Osylaısha «Jeńis» qarsylasynan 3:2 esebimen basym túsip, týrnır kestesinde 13 upaımen altynshy orynǵa kóterildi.
Al taǵy bir kezdesýde «Oqjetpes» (Kókshetaý) pen «Atyraý» klýbtary 0:0 esebine qanaǵat bildirdi.
Dál qazir «Astana» men «Qyzyljar» (Petropavl) arasyndaǵy kezdesý ótip jatyr. Al keshki saǵat 20:00-de «Tobyl» (Qostanaı) men «Ertis» (Pavlodar) jasyl alańǵa shyǵady.
Ekinshi oıyn kúni, 10 mamyrda 15:00-de «Ulytaý» (Jezqazǵan) - «Qaırat» (Almaty), 16:00-de «Altaı» (Óskemen) - «Ordabasy» (Shymkent), 17:00-de «Aqtóbe» - «Qaısar» (Qyzylorda) oınaıdy.
Eske salsaq, budan buryn fýtboldan áıelder lıgasynda «Aqtóbe» taǵy da iri eseppen jeńiske jetti.
