QPL: «Kaspıı» altynshy jeńisine qol jetkizdi
ASTANA. KAZINFORM — Fýtboldan Qazaqstan Premer-lıgasy HІH týryn «Kaspıı» (Aqtaý) — «Jeńis» (Astana) komandalary túıindedi.
Qyzylordada ótken kezdesýde eki klýbtyń da jeńiske jetý múmkindigi az bolǵan joq. Aqtaýlyq komanda sońǵy tórt týrda utylǵan joq. Aldaǵy oıynda qarsylasyn qapy qaldyrsa, olar týrnır kestesindegi jaǵdaıyn odan ári jaqsarta túsetin edi.
Oıyn barysynda «Kaspıı» alǵashqy mınýttan alǵa qaraı umtyldy. Olardyń qatarynan 9-mınýtta Amandyq Nábıhanov esep ashsa, 22-mınýtta elordalyq klýbtan Jıan Martıns tarazy basyn teńestirdi.
Al aqtaýlyq komandadan Andre Amaral 30, Ramazan Abylaıhan 52-mınýtta basymdyqty arttyrdy.
Oıynnyń 90-mınýtynda «Jeńis» sapynan Saǵadat Tursynbaı qorytyndy esepti belgiledi.
Osylaısha aqtaýlyq klýb qarsylasynan 3:1 esebimen basym túsip, altynshy jeńisine qol jetkizdi.
HІH týr
25 shilde
«Jetisý» (Taldyqorǵan) — «Qyzyljar» (Petropavl) 1:2
«Ulytaý» (Jezqazǵan) — «Ertis» (Pavlodar) 1:2
«Aqtóbe» — «Oqjetpes» (Kókshetaý) 2:1
26 shilde
«Tobyl» (Qostanaı) — «Atyraý» 1:0
«Qaırat» (Almaty) — «Ordabasy» (Shymkent) 2:1
«Astana» — «Altaı» (Óskemen) 4:1
«Elimaı» (Aqtaý) — «Qaısar» (Qyzylorda) 1:2.
Endi aldaǵy HH týr oıyndary 2 jáne 3 tamyz kúnderi ótedi.
Eske salsaq, budan buryn fýtboldan Qazaqstan Premer-lıgasy HІH týrynda elordalyq «Astana» óz alańynda «Altaı» komandasynan basym tústi.
