QPL: Fýtboldan el chempıony anyqtaldy
ASTANA. QazAqparat - Búgin elimizdiń bes qalasynda fýtboldan el birinshiliginiń 31-týr oıyndary ótti, dep habarlaıdy QazAqparat tilshisi.
Bul týrdaǵy alǵashqy oıyn Almaty qalasynda boldy. Jergilikti «Qaırat» Pavlodardyń «Ertis» komandasyn qabyldady. Altyn medal aýyly alystap ketkennen keıin shyǵar, bul oıynda «Qaırat» sylbyr kórindi. Oıyn taǵdyryn sheshken jalǵyz gol 2-mınýtta soǵyldy. Ony «Ertis» oıynshysy Karlos Fonseka óziniń enshisine jazdy. Osydan keıin «Astana» chempıon atansa, «Qaırat» kúmis júldeger atandy.
Kelesi kezekte Shymkentte «Ordabasy» men Qaraǵandynyń «Shahteri» kezdesip, bul oıyn teń nátıjemen aıaqtaldy. Aldymen 15-mınýtta Jasulan Moldaqaraev «Ordabasy» klýbyn alǵa shyǵarsa, 57-mınýtta qaraǵandylyq Marat Shahmetov qorytyndy esepti belgiledi. Esep 1:1.
Taldyqorǵanda «Jetisý» men «Atyraý» komandalary jeńimpazdy anyqtaı alǵan joq. Oıyn 0:0 esebimen bitti.
Oralda «Aqjaıyq» Qyzylordanyń «Qaısarynan» jeńilip qaldy. Bul kezdesýde qyzylordalyqtar sapynan 41-mınýtta Bratıslav Pýnooshevats gol soqty. Al Vladımır Arjanov 27, Matıas Kýror 60-mınýtta alań ıeleri qaqpasynan sańylaý tapty. 90-mınýtta «Qaısar» sapynan Igor Zenkovıch qorytyndy esepti belgiledi. Esep 4:0. «Qaısar» jeńiske jetti.
Dál qazir «Aqtóbe» óz alańynda Petropavldyń «Qyzyljaryn» qabyldap jatyr.
Bul týrdaǵy taǵy bir oıyn erteń, 28 qazanda bolady. Qostanaıdyń «Tobyly» elordalyq «Astanany» qabyldaıdy. Al 30-týr oıyndary 20 qazanda ótken bolatyn.
