QPL: «Ertis» syrt alańda «Atyraýdy» qapy qaldyrdy
ASTANA. KAZINFORM — Búgin fýtboldan Qazaqstan Premer-lıgasynyń HHІV týrynda Pavlodardyń «Ertisi» syrt alańda «Atyraýdan» basym tústi.
Eki komanda týrnır kestesinde tómengi orynda turǵan edi. Alaıda Premer-lıgadaǵy ornyn saqtap qalý múmkindigin joǵalta qoıǵan joq. Sol sebepti atyraýlyq jankúıerler qyzyq oıyndy tamashalady. Joramal jasaǵan mamandar kezdesý barysynda teń nátıje tirkelýi múmkin ekenin aıtqan edi.
Kezdesý barysynda komandalar kóp gol soǵýymen erekshelendi. Atyraýlyq klýbtan Dorde Pantelıch 45-mınýtta qaqpany dál kózdese, «Ertis» sapynan Rýslan ıÝdenkov 51-mınýtta óz qaqpasyna gol soǵyp aldy.
Al pavlodarlyq klýbtan Mamadý Mbodj 14, Tımýr Muhametjanov 61, Rýslan ıÝdenkov 72-mınýtta mergendik tanytty.
Osylaısha, «Ertis» syrt alańda «Atyraýdy» 3:2 esebimen jeńip, týrnır kestesindegi jaǵdaıyn jaqsartyp aldy.
Aıta keteıik, budan buryn «Altaı» (Óskemen) — «Elimaı» (Semeı) 2:2 esebine qanaǵat bildirip tarasty.
Eske salaıyq, alǵashqy oıyn kúni, 24 qazanda petropavldyq «Qyzyljar» Jezqazǵannyń «Ulytaýyn» 1:0, Kókshetaýdyń «Oqjetpesi» Aqtaýdyń «Kaspııin» 3:0 esebimen qapy qaldyrsa, «Jetisý» (Taldyqorǵan) — «Tobyl» (Qostanaı), «Ordabasy» (Shymkent) — «Jeńis» (Astana) 1:1 esebin qanaǵat tutty.
