QPL: «Ertis» on úshinshi oıynnan keıin jeńiske jetti
ASTANA. KAZINFORM — Fýtboldan Qazaqstan Premer-lıgasy HІH týryndaǵy eki oıynnyń nátıjesi belgili boldy.
Alǵashqy eki kezdesýdiń biri «Ulytaý» (Jezqazǵan) — «Ertis» (Pavlodar) arasynda ótti.
Kezdesý barysynda pavlodarlyq klýbtyń belsendiligi baıqaldy. Nátıjesinde olardyń qatarynan Marko Evtıch 17, Jan-Morel Po 46-mınýtta gol soqsa, Martın Davıd Anane 38-mınýtta bir gol engizdi.
Osylaısha «Ertis» qarsylasynan 2:1 esebimen basym tústi.
Taǵy bir kezdesýde «Jetisý» (Taldyqorǵan) -«Qyzyljar» (Petropavl) sheberlik baıqasty.
Oıyn barysynda petropavldyq klýbtan Aleksandr Noıok 57, Stefan Baoken 82-mınýtta eki gol soqsa, oǵan 71-mınýtta taldyqorǵandyq klýbtan Nurbol Ánýarbekov bir golmen jaýap qaıyrdy.
Osylaısha «Jetisý» qarsylasyna 1:2 esebimen jol berdi. Bul — olardyń qatarynan tórtinshi jeńilisi. Petropavldyq komanda alty týrdan keıin jeńiske qol jetkizdi.
Dál qazir «Aqtóbe» — «Oqjetpes» (Kókshetaý) kezdesýi ótip jatyr.
Sondaı-aq atalǵan týrda erteń, 26 shildede 18:00–de «Tobyl» (Qostanaı) — «Atyraý», 19:00–de «Astana» — «Altaı» (Óskemen), «Elimaı» (Semeı) — «Qaısar» (Qyzylorda), «Qaırat» (Almaty) — «Ordabasy» (Shymkent) kezdesedi.
Bul týrdy 20:00–de «Kaspıı» (Aqtaý) — «Jeńis» (Astana)
kezdesýi túıindeıdi.
Eske salsaq, budan buryn Konferentsııa lıgasynda «Tobyl» syrt alańda «Panevejıspen» teń tústi.
