QPL: «Ertis» qatarynan úshinshi márte teń oınady
ASTANA. KAZINFORM - Qazaqstan Premer-lıgasynda HІІ týrynda «Ertis» (Pavlodar) - «Ulytaý» (Jezqazǵan) teń nátıjege qanaǵat bildirdi.
Qazaqstandyq tájirıbeli bapker Nurbol Jumasqalıev tizginin ustaǵannan beri «Ertis» qarsylastarymen qatarynan eki márte upaı bólisken edi. Sol úrdis búgingi kezdesýde jalǵasyn tapty.
Oıyn barysynda jezqazǵandyq komanda alǵashqy bolyp esep ashty. Ony Arıagner Smıt 29-mınýtta óziniń enshisine jazdy.
Oǵan 75-mınýtta pavlodarlyq klýbtan Vladıslav Klımovıch bir golmen jaýap qaıyrdy.
Osylaısha komandalar 1:1 esebine qanaǵat bildirdi.
Bul oıynnan keıin «Ertis» 9 upaımen 13 orynda tursa, «Ulytaý» 19 upaımen besinshi orynǵa jaıǵasty.
Sondaı-aq búgin taǵy bir kezdesýde «Altaı» (Óskemen) - «Astana» 0:0 esebimen teń tústi.
Endi 28 mamyrda «Oqjetpes» (Kókshetaý) - «Aqtóbe»,
«Qyzyljar» (Petropavl) - «Jetisý» (Taldyqorǵan), «Atyraý» - «Tobyl» (Qostanaı) oınaıdy.
Taǵy eki kezdesýde «Jeńis» (Astana) - «Kaspıı» (Aqtaý), «Qaısar» (Qyzylorda) - «Elimaı» (Semeı) jasyl alańǵa shyqsa, bul týrdy «Ordabasy» (Shymkent) - «Qaırat» (Almaty) túıindeıdi.
