QPL: «Ertis» qatarynan eki ret jeńiske jetti
ASTANA. KAZINFORM - Fýtboldan Qazaqstan Premer-lıgasynyń HH týryndaǵy «Ertis» (Pavlodar) - «Kaspıı» (Aqtaý) kezdesýiniń nátıjesi belgili boldy.
Ótken týrda tórt aıdan keıin jeńiske jetken pavlodarlyq komanda sol sáttilik serııasyn jalǵastyrýǵa tyrysty. Oǵan sońǵy bes matchta tórt márte jeńiske jetip, bir márte teń nátıjege qanaǵat bildirgen aqtaýlyq klýb múmkindik bermeýge kúsh saldy.
Kezdesý barysynda aqtaýlyq komandadan Noa Ndombazı 12-mınýtta esep ashsa, odan keıin pavlodarlyq klýbtan Jan Morel Po 53, ıÝsht Shımamýra 59-mınýtta eki gol soǵyp ketti.
Al aqtaýlyq klýbtan Pavel Sedko 65, pavlodarlyq komandadan Jan Morel 104-mınýtta penaltıden múlt ketken joq.
Osylaısha «Ertis» qarsylasynan 3:2 esebimen basym tústi. Bul - olardyń qatarynan ekinshi jeńisi.
Sondaı-aq búgin «Qyzyljar» (Petropavl) - «Aqtóbe», «Atyraý» - «Jetisý» (Taldyqorǵan) sheberlik baıqasady.
Al 2 tamyzda «Oqjetpes» (Kókshetaý) - «Altaı» (Óskemen), «Ulytaý» (Jezqazǵan) - «Astana», «Jeńis» (Astana) - «Elimaı» (Semeı), «Ordabasy» (Shymkent) - «Tobyl» (Qostanaı) jasyl alańǵa shyǵady.
Bul týrdaǵy aldyn ala 5 tamyrda ótkizilgen «Qaısar» (Qyzylorda) – «Qaırat» (Almaty) kezdesýinde ońtústik astanalyq komanda syrt alańda 2:1 esebimen jeńiske jetken edi.
Eske salsaq, budan buryn 51 jastaǵy tájirıbeli maman Igor Cherevchenko «Aqtóbe» fýtbol klýbynyń jańa bas bapkeri atandy.
