QPL: Elordalyq kezdesýde «Jeńis» «Astanaǵa» qaýqar kórsete ala ma

ASTANA. KAZINFORM — Búgin fýtboldan Premer-lıga komandalary arasyndaǵy el birinshiliginiń HHІІ týry bastalady.

Búgin, 23 tamyzda saǵat 18:00–de «Elimaı» (Semeı) men «Qyzyljar» (Petropavl), «Tobyl» (Qostanaı) men «Turan» (Túrkistan) sheberlik baıqasady,

Al 19:00–de «Jeńis» (Astana) men «Astana», «Qaısar» (Qyzylorda) men «Atyraý» jasyl alańǵa shyǵady.

Sondaı-aq 24 tamyzda 17:00–de «Ulytaý» (Jezqazǵan) men «Ordabasy» (Shymkent), 20:00–de «Aqtóbe» men «Jetisý» (Taldyqorǵan) oınaıdy.

Atalǵan týrdaǵy «Oqjetpes» (Kókshetaý) men «Qaırat» (Almaty) kezdesýi 31 tamyzǵa shegerildi. Bul sheshim almatylyq klýbtyń eýrokýbok oıyndaryna qatysýyna baılanysty qabyldanyp otyr.

Aıta ketsek, qazir kósh basynda 43 upaımen «Astana» komandasy keledi. Odan keıingi oryndardaǵy «Qaırattyń» 43, «Tobyldyń» 41 upaıy bar.

Surmergender kóshinde Dáýren Jumat («Oqjetpes») 10 golmen kósh bastap tursa, odan keıingi oryndardaǵy Nazmı Grıpshı («Astana») 9, Dastan Sátpaev («Qaırat») pen Marın Tomasov («Astana») 8 gol soǵyp úlgerdi.

Eske salsaq, Qazaqstan Premer-lıgasynyń 19-týryndaǵy «Astana» men «Qaısar» kezdesýi 28 tamyzda ótkiziledi.