QPL: «Elimaı»týrnır kestesinde altynshy orynǵa kóterildi
ASTANA. KAZINFORM - Qazaqstan Premer-lıgasynda HHVІІ týrynyń alǵashqy oıyn kúninde «Tobyl» (Qostanaı) - «Elimaı» (Semeı) kezdesýiniń nátıjesi belgili boldy.
Týrnır kestesinde eki komanda qatarlas keledi. Sondyqtan búgingi kezdesýde jeńiske jetken komanda jaǵdaıyn jaqsarta túsetin edi.
Alǵashqy mınýttan ashyq shabýylǵa kóshken komandalar jyldam gol soǵatyn múmkindikti izdedi.
Oıynnyń 16-mınýtynda seemılik klýbtan Fessý Plakka esep ashsa, 40-mınýtta Aıbar Jaqsylyqov kózdegen nysanadan múlt ketken joq.
Osylaısha «Elimaı» qarsylasynan 2:0 esebimen basym túsip, týrnır kestesinde 38 upaımen altynshy orynǵa kóterildi.
Aıta ketsek, buǵan deıin elordalyq «Astana» óz alańynda Almatynyń «Qaıratynan» 1:0 esebimen basym tústi.
Dál qazir bul týrda «Atyraý» - «Ordabasy» (Shymkent) kezdesýi ótip jatyr.
Sondaı-aq 18 qyrkúıekte 16:00-de «Oqjetpes» (Kókshetaý) - «Jeńis» (Astana), 17:00-de «Jetisý» (Taldyqorǵan) - «Kaspıı» (Aqtaý), «Altaı» (Óskemen) - «Ertis» (Pavlodar), 19:00-de «Qyzyljar» (Petropavl) - «Qaısar» (Qyzylorda), 20:00-de «Aqtóbe» - «Ulytaý» (Jezqazǵan) oınaıdy.
