QPL: «Elimaı» syrt alańda «Jetisýdy» iri eseppen jeńdi

ASTANA. KAZINFORM - Búgin fýtboldan Premer-lıga komandalary arasyndaǵy Qazaqstan chempıonatynyń altynshy týryndaǵy eki oıynnyń nátıjesi belgili boldy.

Atalǵan týrda Taldyqorǵannyń «Jetisýy» óz alańynda Semeıdiń «Elimaıyn» qabyldady.

Qazirge deıin bes oıynda birde-bir márte úsh upaı oljalap kórmegen taldyqorǵandyq komanda bul joly jeńiske jetýge bar kúshin salatyny anyq edi. Degenmen oıyn barysynda semeılik klýb jınaqy qımyldaı bildi. Nátıjesinde olardyń qatarynan Samıýel Odeoıbo 2, Fessý Plakka 45, Feısal Mýlıch 63-mınýtta mergendik tanytty.

Osylaısha «Elimaı» qarsylasynan 3:0 esebimen basym túsip, týrnır kestesinde ekinshi orynǵa kóterildi.

Sondaı-aq qazirge deıin kókshetaýlyq «Oqjetpes» (Kókshetaý) pen «Jeńis» (Astana) 1:1 esebimen teń tústi.

Dál qazir «Aqtóbe» men «Ulytaý» (Jezqazǵan), «Astana» men «Atyraý» komandalary oınap jatyr. Elordalyq klýb qarsylasynan 1:0 esebimen basym túsýde.

Erteń, 27 cáýirde «Qyzyljar» (Petropavl) men «Qaısar» (Qyzylorda) oınasa, «Ordabasy» (Shymkent) men «Turan» (Túrkistan), «Qaırat» (Almaty) pen «Tobyl» (Qostanaı) sheberlik baıqasady.