QPL: «Elimaı» sátsizdik serııasyn toqtatty
ASTANA. KAZINFORM - Fýtboldan Qazaqstan Premer-lıgasyn HHІ týrynyń ekinshi oıyn kúni máresine jetti.
Bul kúngi eki oıynnyń birinde Semeıdiń «Elimaıy» óz alańynda Pavlodardyń «Ertisin» qabyldady.
Kezdesý barysynda komandalar birinshi kezeńde bir-biriniń qaqpasynan sańylaý taba alǵan joq. Ekinshi kezeńde alań ıeleri jáne pavlodarlyq tórt gol soqty.
Aldymen semeılik klýbtann Ivan Svırıdov 73-mınýtta esep ashsa, odan keıin Maı Mıttendorfer avtogol avtory atandy.
Oıynnyń 80-mınýtynda «Elimaı» sapynan Akamel Baktııarov óz komandasyn qaıtadan alǵa shyǵarsa, Mıras Omataı 92-mınýtta qorytyndy esepti belgiledi.
Osylaısha «Elimaı» qarsylasynan 3:1 esebimen basym túsip, týrnır kestesinde 31 upaımen altynshy orynǵa taban tiredi. Nátıjesinde úsh oıynǵa sozylǵan sátsizdik serııasyn toqtatty.
Taǵy bir kezdesýde «Atyraý» men «Aqtóbe» 1:1 esebine qanaǵat bildirdi.
Sondaı-aq elordalyq «Astana» óz alańynda Kókshetaýdyń «Oqjetpesin» 2:1 esebimen qapy qaldyrdy.
Aıta ketsek, buǵan deıin 8 tamyzda «Altaı» (Óskemen) - «Qyzyljar» (Petropavl) 2:2, «Kaspıı» (Aqtaý) - «Ulytaý» (Jezqazǵan) 1:1 esebimen teń tússe, taldyqorǵandyq «Altaı» Shymkenttiń «Ordabasy» klýbyna 0:4 esebimen ese jiberdi.
Sondaı-aq bul týrdaǵy «Tobyl» (Qostanaı) - «Qaısar» (Qyzylorda), «Qaırat» (Almaty) - «Jeńis» (Astana) kezdesýi belgisiz merzimge keıinge qaldyryldy.
