QPL: «Elimaı» sátsizdik serııasyn toqtatyp, besinshi orynǵa kóterildi
ASTANA. KAZINFORM - Búgin Qazaqstan Premer-lıgasynda HV týrynyń alǵashqy oıyn kúni aıaqtaldy.
Ótken eki týrda jeńilistiń aşy dámin tatyp, týrnır kestesindegi jaǵdaıyn birshama qıyndatyp alǵan semeılik «Elimaı» bul joly Petropavldyń «Qyzyljaryn» qabyldady. Kezdesý barysynda semeılik klýb oıyn tizginin óz qolynda ustaýǵa tyrysty. Dese de birinshi kezeńde tablodaǵy esepke ózgeris engen joq.
Ekinshi kezeńde «Elimaı» kapıtany Ramazan Orazov penaltıden 61-mınýtta esep ashsa, 80-mınýtta onyń áriptesi Fessý Plakka 80-mınýtta mergendik tanytty.
Osylaısha semeılik fýtbolshylar qarsylasynan 2:0 esebimen basym túsip, týrnır kestesinde 23 upaımen besinshi orynǵa kóterildi.
Sondaı-aq búgin óz alańynda kókshetaýlyq «Oqjetpes» Almatynyń «Qaıratqa» 1:3 esebimen ese jiberse, taldyqorǵandyq «Jetisý» «Aqtóbeni» 1:0, aqtaýlyq «Kaspıı» «Atyraýdy» 2:0 esebimen tize búktirdi.
Al 28 maýsymda «Ertis» (Pavlodar) - «Qaısar» (Qyzylorda), «Tobyl» (Qostanaı) - «Altaı» (Óskemen), «Ulytaý» (Jezqazǵan) - «Ordabasy» (Shymkent), «Jeńis» (Astana) - «Astana» kezdesýi bolady.
