QPL: «Elimaı» óz alańynda «Ulytaýdyń» osal tusyn tapty
ASTANA. KAZINFORM — Fýtboldan Qazaqstan Premer-lıgasynyń keıinge qaldyrylǵan HHІІІ týrynyń ekinshi oıyn kúni, 18 qazanda «Elimaı» (Semeı) — «Ulytaý» (Jezqazǵan) kezdesýiniń nátıjesi belgili boldy.
Komandalar Premer-lıgadaǵy ornyn saqtap qalý mindetin áldeqashan sheship qoıdy. Dese de olar alǵashqy bestikke iligýge kúsh salyp keledi. Sondyqtan kezdesý barysynda qarsylastar úsh upaı oljalaýǵa tyrysty.
Kezdesý barysynda semeılik klýbtan Rodjer Mýrılo 22-mınýtta esep ashsa, Rojerıo Shına 49-mınýtta basymdyqty arttyrdy.
Oıynnyń 93-mınýtynda «Ulytaý» sapynan Gleb Býhal qorytyndy esepti belgiledi.
Osylaısha «Elimaı» qarsylasyn 2:1 esebimen qapy qaldyryp, týrnır kestesinde altynshy orynǵa taban tiredi.
Aıta ketsek, budan buryn «Altaı» (Óskemen) — «Atyraý» 1:1 esebine qanaǵat bildirip tarasty.
Dál qazir «Qaırat» (Almaty) — «Ertis» (Pavlodar) kezdesýi ótip jatyr.
Al 19:00–de «Astana» — «Kaspıı» (Aqtaý) jasyl alańǵa shyǵady.
Sondaı-aq 17 qazanda óz alańynda «Aqtóbe» Shymkenttiń «Ordabasy» klýbyna 1:3 esebimen ese jiberse, qostanaılyq «Tobyl» Astananyń «Jeńisin» 4:2, kókshetaýlyq
«Oqjetpes» Petropavldyń «Qyzyljaryn» 1:0, taldyqorǵandyq «Jetisý» Qyzylordanyń «Qaısaryn» 2:1 esebimen jeńdi.
