QPL: «Elimaı» men «Qaırat» teń nátıjege qanaǵat bildirdi

ASTANA. KAZINFORM - Fýtboldan Qazaqstan Premer-lıgasynyń IX týryn «Elimaı» (Semeı) men «Qaırat» (Almaty) túıindedi.

Týrnır kestesinde komandalar qatarlas keledi. Búgin jeńiske jetken ujym kósh basyna shyǵatyn edi. Sondyqtan qos qarsylas oıyn basynan shabýylǵa shyqty.

Almatylyq klýb sońǵy eki týrda jaqsy nátıje kórsetip keledi. Eki márte jeńiske jetip, týrnır kestesindegi jaǵdaıyn jaqsartyp aldy. Al «Elimaı» sońǵy bes oıynnyń tórteýinde úsh upaı oljalasa, bireýinde teń nátıjege qanaǵat bildirdi.

Búgingi kezdesý barysynda eki komanda tartysty oıyn ótkizdi. Kezdesýde 55-mınýtta almatylyq klýbtan Joao Paolo soqsa, 96-mınýtta ıÝrıı Pertsýh tarazy basyn teńestirip ketti.

Komandalar 1:1 esebimen teń tústi.

Eske salsaq, 18 mamyrda «Aqtóbe» men «Ordabasy» 0:0 esebine qanaǵat bildirse, «Atyraý» men «Astanany», «Qaısar» «Jeńisti» 1:0 esebimen tize búktirdi.

Al búgin «Shahter» «Tobyldy» 1:0 esebimen jeńse, «Jetisý» men «Qyzyljar» kezdesýinde 0:0 esebi tirkeldi.

Endi aldaǵy týr oıyndary 1 jáne 2 maýsym kúnderi ótkiziledi.